У Вялікабрытаніі службовых сабак навучаць распазнаваць хворых на каранавірус
Урад Вялікабрытаніі выдзеліў паўмільёна фунтаў стэрлінгаў (гэта прыкладна 560 тысяч еўра) на праект, у межах якога будуць даследаваць, ці змогуць сабакі выяўляць хворых на каранавірус людзей па паху.
Праектам займаюцца Лонданская школа гігіены і трапічнай медыцыны, Дарэмскі ўніверсітэт і дабрачынная арганізацыя Medical Detection Dogs, а таксама Нацыянальная служба аховы здароўя Вялікабрытаніі, паведамляе BBC.
На першым этапе працаўнікі Нацыянальнай службы аховы здароўя будуць адбіраць узоры пахаў у пацыентаў з каранавіруснай хваробай (да прыкладу, выкарыстаныя маскі). Пасля гэтага шасцярых сабак будуць трэніраваць для вызначэння віруса сярод узораў — на гэта можа сысці ад шасці да васьмі тыдняў.
На другім этапе ўрад павінен вырашыць, ці мэтазгодна выкарыстоўваць сабак для выяўлення COVID-19. Напрыклад, іх можна было б размяшчаць у аэрапортах (для хуткай праверкі) або цэнтрах тэставання, каб паскорыць працэс выяўлення каранавіруса.
Вядома, што некаторыя сабакі могуць па паху выяўляць захворванні ў людзей. Асобныя з іх могуць «прааналізаваць» да 250 чалавек за гадзіну. Дабрачынная арганізацыя Medical Detection Dogs займаецца трэніроўкай сабак у гэтай сферы ўжо 10 гадоў.
Летась спецыялісты Medical Detection Dogs і Дарэмскага ўніверсітэта навучылі сабак выяўляць малярыю ў дзяцей з дакладнасцю 70%.
Цяпер чытаюць
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары65
Калеснікава: У 2020‑м я змагалася не супраць Лукашэнкі, а за людзей, свабоду і свабодныя выбары
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць2929
Каментары