Імаверны кандыдат у прэзідэнты Віктар Бабарыка, які цяпер займаецца зборам подпісаў у сваю падтрымку, адказаў на некалькі пытанняў прыхільнікаў.
У прыватнасці ён падзяліўся сваімі густамі. «Люблю і катоў, і сабак. Самыя хітрыя і нахабныя — гэта двортэр’еры. Усе сабакі і коткі, якія ў нас былі, за выключэннем першага чау-чау, знаходзілі нас самі. І гэта вялікая бяда. А максімум, на якім мы дамаўляліся, — гэта два сабакі і котка.
Апошні сабака, які нас знайшоў, мабыць, самы дарагі ў свеце, калі палічыць колькі ён зжэр і колькі зламаў. Мабыць, ніводзін чэмпіён свету столькі не каштуе».
«Цяпер мне кажуць, што салёнага нельга, бо голас садзіцца, чагосьці яшчэ нельга.
Любімае маё — гэта дранікі. Але ў маім жыцці быў толькі адзін чалавек, які ўмеў гатаваць дранікі, як люблю я. Сапраўды дранік — гэта нічога, апроч бульбы і солі. Нічога!
Вельмі люблю ружовае шампанскае. Калі побач сябры, то люблю шашлык і гарэлку, але толькі ў межах разумнага», — сказаў Бабарыка.
Прэтэндэнт у прэзідэнты прызнаўся, што мае ліцэнзію на паляванне, але ніколі ёй не карыстаўся.
«За сваё жыццё я ні разу не стрэліў з паляўнічай зброі. Я перакананы, што паляваць — гэта няправільна і несумленна. У мяне ёсць зброя, паляўнічы білет мне быў патрэбны, каб толькі атрымаць зброю.
Мне не зусім падабаецца, што да нас едуць замежнікі і дзясяткамі валяць звярыну. Я разумею, чаму яны гэтага не робяць у Германіі і Англіі».
Бабарыка лічыць, што Беларусь не павінна быць падобнай да іншых краін. «Нам важна разумець, што мы людзі, якія заслугоўваюць павагі. І мы пабудуем краіну, якую хочам. Канечне, хочацца быць высокатэхналагічнымі, як японцы. Талерантнымі і нейтральнымі, як швейцарцы. Каб была сістэма адукацыі, як у Фінляндыі. Сукупнасць найлепшага дазволіць нам зрабіць сваю ўнікальную Беларусь», — адзначыў спадар Бабарыка.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары