Людзі займалі чаргу з васьмі раніцы — ажыятаж на абанементы «Дынама»
Некаторыя прыходзілі займаць чаргу за дзве гадзіны да адкрыцця фан-шопа.
Сёння мінскае «Дынама» абвясціла пра старт продажу білетаў на найбліжэйшы сезон КХЛ. Уладальнікам мінулагодніх абанементаў прапанавалі загадзя прадоўжыць іх анлайн або ў фан-шопе, размешчаным у гандлёвым цэнтры «Арэна Сіці». Прапанова выклікала ажыятаж, піша «Анлайнер».
У чарзе да фан-шопа сабраліся дзясяткі чалавек. Некаторыя прыйшлі а васьмой гадзіне раніцы — за дзве гадзіны да адкрыцця.
Дзяўчаты, якія прыйшлі а 8-й, распавялі, што за гадзіну справіліся, а чарга тым часам паступова павялічвалася.
Прэс-служба ўжо адрэагавала на сітуацыю:«У першы дзень падаўжэння абанементаў у нашым фан-шопе вялікія патокі наведвальнікаў. Каб пазбегнуць чэргаў, прапануем вам наведаць краму ў любыя іншыя дні па 1 верасня або прадоўжыць абанемент анлайн у асабістым кабінеце».
На хатнія матчы мінулага сезона было рэалізавана 8,5 тысячы абанементаў пры умяшчальнасці арэны ў 15 тысяч гледачоў.
Што да білетаў, старт продажаў абвешчаны на 24 жніўня. Цэны ў параўнанні з мінулым годам не зменяцца.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары