У кватэрах затрыманых у «справе Ціханоўскага» прайшлі ператрусы
Фота Надзеі Бужан
Праваабаронцам «Вясны» стала вядома імя яшчэ аднаго затрыманага ў сувязі з крымінальнай справай аб гвалце да міліцыянтаў на пікеце ў Гродне: Васіль Баброўскі. Таксама стала вядома пра першыя ператрусы.
Увечары 1 чэрвеня ператрус правялі ў кватэры аднаго з затрыманых Уладзіміра Навуміка, канфіскавалі ноўтбук і флэш-карты. Праваабаронцам вядома таксама пра ператрусы ў Яўгена Разнічэнкі, Сяргея Калмыкова, Васіля Баброўскага.
Невядомыя людзі забралі адну з машын, на якіх у Гродна прыехала каманда Ціханоўскага. Уладальнік машыны Уладзімір Кузняцоў напісаў заяву пра згон аўто.
Увечары 1 чэрвеня скончыўся трохдзённы тэрмін ад моманту затрымання блогера Сяргея Ціханоўскага і 7 ягоных паплечнікаў. Усіх іх затрымалі ў межах крымінальнай справы за гвалт у дачыненьні да супрацоўнікаў міліцыі (арт. 364 Крымінальнага кодэкса), яны знаходзяцца ў менскім ізалятары.
Па сканчэнні трох сутак на волю ніхто не выйшаў, з чаго праваабаронцы «Вясны» робяць выснову, што тэрмін утрымання пад вартай падоўжаны да 10 сутак.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары