Рыэлтарка паказала, у якім стане сям'я пакінула дом пасля сутак адпачынку. Яна была ў шоку
Але некаторых яе патрабаванні да арандатараў абурылі.
Рыэлтарка паказала, у якім стане пакінула арэндны дом сям'я з шасці чалавек пасля дня пражывання.
Заходзячы ў драўляны дамок, яна паказвае, што на ўваходзе ўсё добра, таму адразу падымаецца на другі паверх.
«Паўсюль прыбрана, нават гірляндачкі сабе ўключалі. Запраўлены ложак, што рэдкасць у арэндным жытле. Побач канапа, на ёй склалі бялізну», — расказвае яна і падсумоўвае, што на другім паверсе ўсё выдатна.
Далей яна спускаецца на першы паверх і заходзіць у санвузел, дзе акуратна развешаны халаты і ручнікі, а ракавіна так блішчыць, нібыта яе памылі. У лазні арандатары нават паднялі паддоны з падлогі, каб яна прасохла.
«Гэта не людзі, а проста выключэнне з правіл. Настолькі акуратны дом пасля выезду!» — радуецца рыэлтарка, пасля чаго заходзіць у галоўны пакой і бачыць там камплімент у выглядзе закаркаванай бутэлькі шампанскага.
Далей яна праходзіць у кухонную зону і паказвае, што людзі таксама памылі за сабою ўвесь посуд.
«Калі так ставяцца да арэнднага дома, то гэта сапраўднае выключэнне з правіл. Здавалася б, мы жывём у XXI стагоддзі і ўсе павінны за сабой прыбіраць, але так робяць далёка не ўсе. Сённяшні выезд проста ўразіў нас: наколькі файныя людзі, наколькі прыбрана, наколькі яны цэняць усё!
Мы здаём пяць дамоў адпачынку і працуем ужо чацвёрты год. І паверце, ёсць выезды, пасля якіх хочацца цалкам памыцца — настолькі за суткі можна загадзіць дом. Але пасля такіх выездаў рэальна з'яўляюцца сілы і энергія працягваць», — кажа рыэлтарка.
Але ў каментарах да відэа некаторыя абурыліся.
«Прыехаць адпачыць, каб прыбраць ваш дом — так сабе адпачынак. Прыбраў у межах разумнага і дасвідос. За ўсё заплачана».
«Шчыра скажу, калі мы здымаем, пасля сябе парадак не пакідаем. Мы арандуем, каб адпачываць, а не выконваць яшчэ хатнюю працу, але гасцінец пакідаем, гэта дзякуй за тое, што прыбяруць пасля нас».
«Вы павінны прыбіраць, а не адпачывальнікі, вам за гэта плацяць грошы».
Многія пры гэтым пішуць, што звыклі прыбіраць за сабой, і тут няма дзіўнага.
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары
Т.зв " р Іванам" і сусідам ні здаю..падобны
Адзін цікавей за іньшага суседзі вакол Беларусі