Трамп: Новай кіраўніцы Венесуэлы будзе горш, чым Мадура, калі яна адмовіцца супрацоўнічаць
Прэзідэнт ЗША Дональд Трамп заявіў, што віцэ-прэзідэнтку Венесуэлы Дэлсі Радрыгес, якая часова ўзяла на сябе кіраванне краінай, чакае яшчэ горшы лёс, чым Нікаласа Мадура, калі яна адмовіцца супрацоўнічаць з Вашынгтонам. Пра гэта ён сказаў у размове з выданнем Atlantic.
Трамп адзначыў, што ў выпадку непадпарадкавання Радрыгес давядзецца заплаціць вельмі высокую цану. Напярэдадні ён сцвярджаў, што яна нібыта ў прыватнай размове выказала гатоўнасць да супрацоўніцтва са Злучанымі Штатамі, якія, паводле яго слоў, часова будуць «кіраваць» Венесуэлай дзеля яе адраджэння.
Аднак ужо праз кароткі час Радрыгес публічна адмовілася ад такой прапановы. Яна заявіла, што Венесуэла будзе абараняць свае прыродныя рэсурсы і працягне палітыку Мадура, падкрэсліўшы, што краіна больш ніколі не стане калоніяй.
Трамп у адказ паведаміў, што не выключае працягу ваенных дзеянняў у Венесуэле і лічыць змену рэжыму і «адбудову» найлепшым шляхам для краіны, якую ён назваў цалкам праваленай і катастрафічнай.
У гэтым самым інтэрв'ю Дональд Трамп чарговы раз паўтарыў, што Вашынгтону патрэбна Грэнландыя. Па яго словах, арктычны востраў «акружаны расійскімі і кітайскімі караблямі» і патрэбен ЗША для абароны. Праўда, пра намер амерыканцаў правесці вайсковую аперацыю і там ён адкрыта не сказаў.
3 студзеня ў Каракасе прагучалі выбухі, над горадам з’явілася авіяцыя, а ў частцы сталіцы знікла электрычнасць. Венесуэла абвясціла пра агрэсію з боку ЗША і ўвяла надзвычайнае становішча. Пазней Трамп заявіў, што амерыканскія вайскоўцы затрымалі Нікаласа Мадура і яго жонку і вывезлі іх з краіны. У ЗША Мадура абвінавацілі ў незаконным абарачэнні наркотыкаў і зброі.
Пасля таго Вярхоўны суд Венесуэлы прызначыў Дэлсі Радрыгес выконваць абавязкі кіраўніка дзяржавы.
Што будзе ў Венесуэле далей? Тры сцэнарыі
Трамп хоча здабываць нафту ў Венесуэле. Наколькі гэта рэальна і каму яна дастанецца?
Як сачылі за Мадура?
«Як толькі дыктатуры сутыкаюцца з рэальнай сілай, яны хутка церпяць паразу»
«Дзеянні Трампа — учынкі не дэмакрата, закутага ў браню, а дзеянні вельмі крутога пацана ў адносінах з проста крутымі»
ЗША гатовыя пакінуць уладу паплечнікам Мадура, бо «большасць апазіцыі не знаходзіцца ў Венесуэле»
Каментары
P.S. І папрасі каб "М" пісалі ў метадычцы ў "імерыя". Адзін раз можна памыліцца, а вось некалькі гэта ўжо праца лукабота "капіраваць-уставіць".