У выходныя з’яўляліся паведамленні, што Радрыгес знаходзіцца ў Расіі, але МЗС Расіі гэта абвергла.
В. а. прэзідэнта Венесуэлы Дэлсі Радрыгес правяла першае пасяджэнне кабінета міністраў з моманту звяржэння Нікаласа Мадура. Тэлеканал Venezolana de Televisión паказаў віцэ-прэзідэнта Радрыгес за сталом у прэзідэнцкім палацы разам з двума іншымі ключавымі прыхільнікамі Мадура — міністрам абароны Уладзімірам Падрына Лопесам і кіраўніком МУС Дыёсдада Кабельё.
Выконваць абавязкі прэзідэнта Радрыгес прызначыў Вярхоўны суд Венесуэлы. Раней яна патрабавала вызваліць Мадура, захопленага ЗША, піша Бі-бі-сі.
У выходныя з’яўляліся паведамленні, што Радрыгес знаходзіцца ў Расіі (МЗС Расіі гэта абверг).
У інтэрв’ю выданню The Atlantic прэзідэнт ЗША Дональд Трамп прыгразіў прыняць меры супраць Дэлсі Радрыгес, калі яна не будзе супрацоўнічаць са Злучанымі Штатамі.
«Калі яна не паступіць правільна, ёй давядзецца заплаціць вельмі высокую цану, верагодна, большую, чым Мадура», — заявіў амерыканскі лідар.
Дональд Трамп таксама заявіў, што падчас аперацыі ЗША па захопе венесуэльскага лідара Нікаласа Мадура было забіта шмат супрацоўнікаў кубінскіх службаў бяспекі.
«Вы ведаеце, учора было забіта шмат кубінцаў», — сказаў Трамп журналістам на борце Air Force One.
Улады Кубы паведамілі пра гібель 32 чалавек. 5 і 6 студзеня абвешчаныя днямі жалобы ў краіне.
Трамп: Новай кіраўніцы Венесуэлы будзе горш, чым Мадура, калі яна адмовіцца супрацоўнічаць
Трамп хоча здабываць нафту ў Венесуэле. Наколькі гэта рэальна і каму яна дастанецца?
Віцэ-прэзідэнтка Венесуэлы: Ёсць толькі адзін прэзідэнт, і яго імя Нікалас Мадура
Трамп пра Мачада: У яе няма падтрымкі ўнутры краіны, хоць яна вельмі мілая жанчына
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары