Прагноз надвор’я ў Беларусі на 18—20 красавіка.
Паводле прагнозу Рэспубліканскага гідраметэацэнтра, у Беларусі 18 красавіка будзе воблачна з праясненнямі. Месцамі, пераважна па поўдні, дождж,
днём у паўночна‑ўсходніх раёнах магчымы мокры снег.
Вецер паўночна‑заходні 5—10 м/с, днём парывы да 14 м/с, па паўночным усходзе месцамі да 15—18 м/с. Тэмпература паветра на працягу сутак плюс 3—10°C, ноччу па паўночным захадзе каля 0°C, днём па Брэсцкай і Гомельскай абласцях да плюс 15°C.
Заўтра ў Мінску воблачна з праясненнямі. Ноччу магчымы кароткачасовы дождж, днём без істотных ападкаў. Вецер паўночна‑заходні 5—10 м/с, днём парывы да 14 м/с. Тэмпература паветра ноччу плюс 4—6°C, днём плюс 7—9°C.
У наступныя двое сутак, 19 і 20 красавіка, па краіне чакаецца пераменная воблачнасць. Пераважна без ападкаў, толькі 20 красавіка днём па паўночным усходзе кароткачасовыя ападкі (дождж, мокры снег).
Вецер паўночна‑заходні, заходні 5—10 м/с. Тэмпература паветра ноччу 0 — мінус 5°C, месцамі да мінус 8°C, днём: 19 красавіка — плюс 3—9°C, у паўднёва‑заходніх раёнах да плюс 11°C, 20 красавіка — плюс 6—13°C, па паўднёвым захадзе да плюс 15°C.
19 красавіка ў Мінску прагназуецца пераменная воблачнасць. Без ападкаў. Вецер паўночна‑заходні 5—10 м/с.
Тэмпература паветра ноччу мінус 2—4°C, днём плюс 5—7°C.
Цяпер чытаюць
Галоўная рэдактарка гомельскай раёнкі пакаялася за тое, што абвінаваціла гурт «Дразды»7
Каментары