У Драгічынскім раёне позна ўвечары 12 ліпеня адбылася аварыя са смяротным вынікам з удзелам легкавога аўтамабіля і запрэжанага воза, піша УУС Брэсцкага аблвыканкама.
55‑гадовая жыхарка Драгічына, якая ехала на аўтамабілі Buick па дарозе паміж вёскай Пярковічы і Драгічынам, на 19‑м кіламетры трасы ўрэзалася ў воз, які рухаўся ў тым жа кірунку. За фурмана быў 23‑гадовы мясцовы жыхар.
Устаноўлена, што воз не быў абсталяваны абавязковымі ліхтарамі: белым спераду і чырвоным ззаду.
У выніку сутыкнення фурман загінуў на месцы здарэння. Яго 16‑гадовы пасажыр атрымаў траўмы і быў шпіталізаваны. Па факце аварыі завялі крымінальную справу.
Дзяржаўтаінспекцыя нагадвае, што ў цёмны час сутак гужавы транспарт павінен быць абавязкова абсталяваны светлавымі прыборамі, а фурману і пасажырам рэкамендуецца выкарыстоўваць святлоадбівальныя камізэлькі. Гэта дазваляе кіроўцам своечасова заўважыць воз і знізіць рызыку цяжкіх дарожна-транспартных здарэнняў.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары