Такімі паведамленнямі пры канцы мінулага тыдня сталі стракацець тэлеграм-каналы.
У Калінінградзе старшыня ЦВК вучылася, а потым працавала нейкі час памочнікам пракурора. У гэтым расійскім горадзе ў яе засталіся сяброўкі, а таксама былы муж.
«Наша Ніва» патэлефанавала ў ЦВК, каб спраўдзіць гэта ў самой спадарыні Ярмошынай, але такой магчымасці не далі. Жанчына, якая адказвае на званкі, сказала, што «гэта фэйк», але Ярмошына размаўляць не будзе. Мы настаялі, каб сакратарка ўсё ж удакладніла гэта ў самой Ярмошынай.
Праз пару хвілін «Нашай Ніве» паведамілі: «Лідзія Міхайлаўна не дае каментары недзяржаўнай прэсе».
«Як даўно? Яшчэ ж зусім нядаўна нармальна камунікавала». «Не ведаю, такое распараджэнне начальства», — якое менавіта «начальства» дало такую каманду, ніхто не ўдакладніў.
У базах агенцтваў нерухомасці няма абвестак аб продажу катэджа Ярмошынай у Драздах.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дэйкала3
Каментары