Пра гэта ў інтэрв’ю БелаПАН заявіла намеснік старшыні міжнароднай маладзёжнай арганізацыі «Малады фронт» (Чэхія) Наста Палажанка.
«Мы не мелі ніякіх ілюзій наконт таго, што гэта будзе шматтысячная або шматмільённая акцыя. На акцыю прыйшлі неабыякавыя людзі. Хтосьці можа гаварыць, што слова «незалежнасць» сёння неактуальнае. Але гэтага не павінна быць. Я ўдзячная ўсім людзям, якія прыйшлі на плошчу. Гэтыя людзі па‑свойму вырашылі захаваць у сваіх сэрцах тыя сімвалы, якія былі адабраныя ў нас падчас рэферэндуму 14 мая 1995 года: бел‑чырвона‑белы нацыянальны сцяг, герб «Пагоня» і беларускую мову ў якасці дзяржаўнай», — заявіла Палажанка.
«Я рада, што гэтае мерапрыемства ўсё‑такі прайшло, нягледзячы на ўсе перашкоды з боку супрацоўнікаў міліцыі. Я спадзяюся, што акцыя стане традыцыйнай, і ў наступным годзе збярэ больш людзей. І яна будзе больш прыгожай, чым сёлета», — сказала актывістка «МФ».
Як паведамляў БелаПАН, 14 мая міліцыя не дала актывістам маладзёжнай апазіцыі, якія сабраліся на Кастрычніцкай плошчы Мінска, правесці акцыю «Марш незалежнасці», прымеркаваную да гадавіны рэферэндуму 14 мая 1995 года.
На плошчы знаходзілася каля 40 дэманстрантаў. Паводле звестак удзельнікаў акцыі, некаторыя з тых, хто планаваў узяць у ёй удзел, былі затрыманыя на падыходах на Кастрычніцкай плошчы.
Некалькі затрыманых у ходзе і пасля акцыі маладых людзей былі адпушчаныя пасля высвятлення асобы.
Цяпер чытаюць
У Драздах выставілі на продаж катэдж з рэкорднай цаной — $7,5 мільёна ШМАТ ФОТА8
Каментары