У Радзе бяспекі ААН абмяркуюць удар па аўтобусе з беларускімі дзецьмі ў Бранскай вобласці
Рада бяспекі ААН правядзе пасяджэнне ў сувязі з атакай беспілотніка 17 чэрвеня ў Бранскай вобласці на аўтобус, які перавозіў беларускіх дзяцей. Пра гэта паведаміла РІА «Навіны» в.а. пастаяннага прадстаўніка РФ пры сусветнай арганізацыі Ганна Яўсцігнеева.
Сустрэчу прызначылі на 29 чэрвеня а 22:00 па мінскім часе.
Нагадаем, у мінулую сераду, 17 чэрвеня, у Бранскай вобласці быў пашкоджаны аўтобус, які перавозіў дзяцей з футбольнай каманды дзіцяча-юнацкай спартыўнай школы №2 горада Рэчыцы, а таксама навучэнцаў прыватнай танцавальнай студыі. Як сцвярджаюць расійскія ўлады, удар быў нібыта нанесены ўкраінскім беспілотнікам. У выніку здарэння загінула жанчына, якая суправаджала групу дзяцей і была жонкай трэнера каманды. Яшчэ восем чалавек, у тым ліку шасцёра дзяцей, атрымалі траўмы рознай ступені цяжкасці.
У мінулыя чацвер і пятніцу ўсіх пацярпелых даставілі ў Беларусь.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары