Вакцынацыя ад COVID-19 у Беларусі распланаваная амаль на ўвесь май і нават чэрвень. Пра гэта ў эфіры тэлеканала АНТ заявіла намесніца галоўнага доктара Рэспубліканскага цэнтра гігіены, эпідэміялогіі і грамадскага здароўя Ірына Глінская.
— Асоб, якія жадаюць вакцынавацца, вельмі шмат. Гаворка ідзе пра дзясяткі тысяч людзей, якія ўжо запланаваныя практычна на ўвесь май і нават ужо чэрвень, — адзначыла Глінская.
Таксама яна дадала, што кітайскай вакцыны ў краіне «практычна не засталося», і ў далейшым прывіваць беларусаў будуць прэпаратам «Спутнік V» айчыннай вытворчасці.
Каментары