За кратамі застаюцца 29 прадстаўнікоў медыя — хто і чаму

Сёння за кратамі знаходзяцца:

Tut.by

• Марына Золатава, галоўны рэдактар Tut.by
• Вольга Лойка, рэдактар Tut.by
• Алена Таўкачова, журналіст Tut.by
• Людміла Чэкіна, генеральны дырэктар Tut.by
• Ірына Рыбалка, намеснік дырэктара Tut.by
• Аляксандр Дайнэка, намеснік дырэктара Tut.by
• Анжэла Асад, галоўны бухгалтар Tut.by
• Марыя Новік, намеснік галоўнага бухгалтара Tut.by
• Ала Лапатка, галоўны інжынер Tut.by
• Андрэей Аўдзееў, менеджар Tut.by
• Кацярына Ткачэнка, юрыст Tut.by
• Ірына Касцючэнка, былая юрыстка Tut.by
• Дар'я Данілава, RocketData, Tam.by

У Камітэце дзяржкантролю раней заявілі, што ў дачыненні да службовых асоб ТАА «Тут бай Медыя» распачата крымінальная справа па ч. 2 арт. 243 КК — Ухіленне ад выплаты сум падаткаў, збораў у асабліва буйным памеры. Маючы статус рэзідэнта ПВТ, кампанія нібыта атрымлівала выручку, не абумоўленую дзейнасцю, дазволенай для рэзідэнтаў.

Абвінавачанне мусіць быць выстаўлена на працягу 10 сутак з моманту затрымання. Калі гэтага не адбудзецца, то затрыманыя выйдуць на свабоду.

• Любоў Каспяровіч, журналістка Tut.by — адбывае 15 сутак за асвятленне студэнцкіх судовых працэсаў, яе звінавацілі ва ўдзеле ў несанкцыянаваным масавым мерапрыемстве.

«Белсат»

• Кацярына Андрэева, журналістка
• Дар'я Чульцова, аператарка 

Кацярына і Дар'я 15 лістапада 2020-га вялі стрым з плошчы Перамен, дзе людзі сабраліся, каб ушанаваць памяць памерлага пасля збіцця Рамана Бандарэнкі.

Андрэеву і Чульцову прызналі вінаватымі паводле ч. 1 арт. 342 КК РБ (Арганізацыя і падрыхтоўка дзеянняў, якія груба парушаюць грамадскі парадак).

Прэс-клуб

• Юлія Слуцкая, заснавальніца Прэс-клуба
• Ала Шарко, праграмны дырэктар
• Сяргей Альшэўскі, фінансавы дырэктар
• Пётр Слуцкі, аператар
• Ксенія Луцкіна, экс-журналістка Белтэлерадыёкампаніі, сябра Каардынацыйнай рады

Усе яны знаходзяцца ў СІЗА па крымінальнай справе — іх вінавацяць ва ўхіленні ад сплаты падаткаў (ч. 2 арт. 243 Крымінальнага кодэкса).

• Андрэй Аляксандраў, медыяменеджар, абвінавачаны па артыкуле 342 КК — Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх. Яго звінавацілі ў фінансаванні пратэстаў, у часе допыту Аляксандраў заявіў, што аплаціў каля 250 штрафаў дэманстрантаў.
• Анджэй Пачобут, гродзенскі журналіст, актывіст непрызнанага ўладамі Саюза палякаў. Праходзіць абвінавачаным па ч. 3 арт. 130 «Распальванне расавай, нацыянальнай варажнечы».
• Дзяніс Івашын, гродзенскі журналіст, яго абвінавачваюць па артыкуле 365 Крымінальнага кодэкса — «Умяшанне ў дзейнасць супрацоўніка МУС».
• Аляксандр Буракоў, магілёўскі журналіст і праваабаронца, адбывае 20 сутак па адміністрацыйнай справе.
• Уладзімір Лапцэвіч, журналіст партала «Магілёўскі рэгіён», адбывае 20 сутак па адміністрацыйнай справе.
• Таццяна Капітонава — фотажурналістка, адбывае 10 сутак па адміністрацыйнай справе.
• Арцём Маёраў, журналіст газеты «Белорусы и рынок», адбывае 15 сутак па адміністрацыйнай справе.
• Алесь Сіліч, журналіст-фрылансер, затрыманы да суда.

Чытайце таксама: Сузаснавальнік Tut.by Кірыл Валошын расказаў пра далейшыя планы пасля разгрому сайта

• 0
• 0
• 0
• 0
• 0
• 0
• 0
• 0