Амбасада Германіі заявіла пра намер скараціць час чакання шэнгенскіх віз
Пра намер скараціць час чакання шэнгенскіх віз заявіла ў відэазвароце кіраўніца нямецкага дыпламатычнага прадстаўніцтва ў Беларусі Катрын аўс дэм Зіпен, заўважыў «Позірк».
«Мы з камандай амбасады вельмі радыя вялікай цікавасці да Германіі. Нам вельмі важна ўмацоўваць наяўныя кантакты паміж Германіяй і Беларуссю і садзейнічаць устанаўленню новых. Афармленне віз грае пры гэтым ключавую ролю. На жаль, мы не можам цалкам задаволіць высокі попыт, і тэрміны чакання значна павялічваюцца», — адзначыла Катрын аўс дэм Зіпен.
Паводле яе слоў, у будучыні амбасада хоча надаць гэтай праблеме яшчэ больш увагі.
«Мы працуем над рашэннямі, якія дазволяць аптымізаваць працэсы», — сказала дыпламатка.
Яна анансавала новую рубрыку на пляцоўках камунікацыі амбасады з беларускімі грамадзянамі — «Visa: Mission Possible» («Віза: місія выканальная»). У рубрыцы будуць размяшчацца ролікі, закліканыя «зрабіць так, каб падача дакументаў на візу была паспяховай», паведаміла аўс дэм Зіпен.
У суправаджальным прэс-рэлізе адзначаецца, што ў 2025 годзе амбасада Германіі выдала грамадзянам Беларусі каля 42 тысяч шэнгенскіх віз. Яна «ўваходзіць у дзясятку рэкардсменаў па выдачы віз сярод замежных прадстаўніцтваў Германіі ва ўсім свеце».
«Мы працуем над тым, што можам змяніць сваімі сіламі, і імкнёмся да паляпшэнняў, найперш у дачыненні да тэрмінаў чакання», — падкрэсліваецца ў паведамленні.
Акрамя таго, дыппрадстаўніцтва мае намер «абвергнуць распаўсюджаныя міфы аб афармленні віз».
У каментарах адна чытачка паведаміла, што двойчы чакала выкліку ў амбасаду 14 месяцаў. Яшчэ адзін чытач напісаў, што чакае адказу з сакавіка 2025 года, г.зн. прайшло таксама 14 месяцаў.
Згодна з данымі міграцыйнай службы Еўрасаюза, летась у Беларусі было выдадзена каля 152 тысяч шэнгенскіх віз. Доля Германіі склала прыкладна 28%.
Цяпер чытаюць
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай4
«Ні пра што не шкадуй, Света. Жыве Беларусь». Святлана Курс напісала ліст самой сабе, 15‑гадовай
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары