15 трупаў і зламанае крыло. Пад Мінскам бяздумна загубілі цэлую калонію шэрых чапляў
Інцыдэнт здарыўся 24 мая каля вёскі Кайкава Міханавіцкага сельсавета. У гэтым месцы доўгі час існавала калонія птушак. Аднак падчас уборкі сухастою ўздоўж дарогі былі знішчаныя дрэвы, на якіх знаходзіліся гнёзды. Работы праводзіліся без уліку таго, што ў гэты перыяд птушкі гняздуюцца, піша pristalica.by.
Паводле сведчанняў мясцовых жыхароў, пасля высечкі на зямлі засталіся 15 мёртвых птушак. Дарослыя чаплі яшчэ некалькі дзён кружылі над месцам, дзе раней былі іх гнёзды, шукаючы птушанят.
Аднаму птушаняці ўдалося выжыць, але яно атрымала пералом крыла — цяпер яго спрабуюць выратаваць валанцёры.
На месца выехалі спецыялісты Мінскага абласнога камітэта прыродных рэсурсаў і аховы навакольнага асяроддзя разам з інспекцыяй. Яны пацвердзілі факт высечкі і знайшлі сведку здарэння. Падчас агляду выявілі таксама месца, дзе былі пахаваныя целы загінулых птушак. Пасля раскопак пацвердзілася іх масавая гібель.
Згодна з заканадаўствам Беларусі, з 16 лютага па 14 жніўня забаронена высякаць дрэвы, бо гэта перыяд гнездавання птушак. Разбурэнне гнёздаў у гэты час лічыцца сур’ёзным парушэннем і цягне адміністрацыйную адказнасць.
Цяпер праводзіцца разбор, каб вызначыць, хто менавіта праводзіў работы і знішчыў гнёзды. Вінаватым пагражае штраф.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары