38‑гадоваму жыхару Брэста, які злоўжывае спіртнымі напоямі і ўжо раней трапляў у поле зроку міліцыі, п'янаму нешта ўздумалася падбегчы да прыпаркаванага таксі і паспрабаваць выцягнуць з яго кіроўцу, паведамляе УУС Брэсцкага аблвыканкама.
Выцягнуць кіроўцу з машыны, праўда, не ўдалося, у тым ліку і таму, што той быў прышпілены рамянём бяспекі.
Кіроўца адразу паспрабаваў з’ехаць, але мужчына паспеў некалькі разоў ударыць нагой па ягоным аўтамабілі, пашкодзіўшы пярэднія і заднія дзверы.
Пасля гэтага дэбашыр накіраваўся ў бліжэйшую краму, дзе яго і затрымалі супрацоўнікі міліцыі.
Патлумачыць свае дзеянні затрыманы не змог. Памер нанесенай шкоды склаў больш за 800 рублёў.
У дачыненні да мужчыны завялі крымінальную справу за хуліганства (частка 1 артыкула 339 Крымінальнага кодэкса Рэспублікі Беларусь).
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні8
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары