У Гомелі пад «адміністрацыйку» трапілі журналісты-фрылансеры. Іх абвінавацілі ў супрацоўніцтве з «Белсатам»
Сёння ў Гомелі судзілі журналістаў-фрылансераў Ларысу Шчыракову і Яўгена Меркіса. Іх абвінавачвалі паводле адміністрацыйнага артыкула 23.5. КаАП Беларусі «Парушэнне заканадаўства аб сродках масавай інфармацыі», паведамляюць «Моцныя навіны».
У пратаколе было сказана, што 25 сакавіка тэлеканал «Белсат» прадэманстраваў ролік, аўтарам якога з'яўляецца Яўген Меркіс. Сам жа Яўген заявіў, што мантаваць ролік і выпускаць яго на «Белсаце» не мог, бо жыве ў Гомелі, а не ў Варшаве. Таксама журналіст лічыць, што не было ніякіх пераканаўчых доказаў, што гэтую «прадукцыю СМІ» зрабіў менавіта ён.
Меркіса асудзілі на 25 базавых, на сёння гэта 725 рублёў.
Як распавяла Ларыса Шчыракова, уручэнне позвы ў суд адбывалася даволі дзіўным чынам: спачатку ёй пісалі ў сацыяльных сетках з «фэйкавых акаўнтаў», а потым пачалі тэлефанаваць на нумар яе непаўналетняга сына.
Журналістку абвінавацілі ў тым, што яна стварыла ролік, які пасля дэманстраваўся на «Белсаце». Жанчына віну сваю не прызнала, на пытанне аб акрэдытацыі заявіла, што не з'яўляецца журналісткай «Белсата», таму і акрэдытацыя ёй не патрэбная. Яна таксама адзначыла, што ніякіх доказаў яе віны не прадставілі. Рашэнне суда — 25 базавых велічынь.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС28
Каментары