Адкрыццё можа прывесці да стварэння больш таннага і хуткага супрацькавіднага лячэння для людзей.
Навукоўцы з Пітсбургскага ўніверсітэта (ЗША) сцвярджаюць, што інгалятар, падобны да таго, што выкарыстоўваюць пры астме, можа дапамагчы эфектыўна змагацца з кавідам. Праз інгалятар у арганізм хворага чалавека прапануецца ўводзіць нанаантыцелы.
Яны падобныя да манакланальных антыцел — створаных у лабараторыі бялкоў, якія капіруюць тое, як імунітэт змагаецца з вірусамі накшталт кавіду. Але нанаантыцелы меншыя за іх у некалькі разоў, піша Daily Mail.
Даследчыкі выявілі, што невялікія дозы нанаантыцел знізілі у мільён разоў колькасць вірусных часцінак у насавых поласцях, лёгкіх і горле хамякоў. Такія вынікі даюць магчымасць лічыць, што прэпарат на базе нанаантыцел, які навукоўцы назвалі PiN-21, можа аказацца больш танным і хуткім спосабам перамагчы кавід, чым лекі, якія ўжо існуюць на рынку.
Цікава, што тая частка хворых на кавід хамякоў, якая падчас даследавання атрымлівала не PiN-21, а плацэба, страціла за першы тыдзень хваробы каля 16% масы цела. Гэта эквівалентна таму, калі б чалавек за сем дзён пахудзеў на дзевяць кілаграм.
Таксама хамякі, якія атрымлівалі прэпарат, мелі не такое моцнае запаленне ў лёгкіх, як тыя, хто застаўся без лячэння.
Магчыма, гэта звязана з тым, што інгалятар дазваляе даставіць прэпарат непасрэдна ў лёгкія.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1414
Каментары