Альгерд Бахарэвіч стаў лаўрэатам нямецкай Прэміі Эрвіна Піскатара
Беларускага пісьменніка ўзнагародзілі прэстыжнай нямецкай прэміяй Erwin Piscator Preis за раманы «Сарока на шыбеніцы» і «Сабакі Еўропы», а таксама за эсэістыку.
Пра гэта сам пісьменнік напісаў у сваім фэйсбуку.
«У сваіх раманах і эсэ вы разварушваеце тыя раны, пра якія нам, на Захадзе, падабаецца забываць, бо яны выклікаюць у нас у найлепшым выпадку толькі фантомны боль. Вашыя раманы і эсэ нагадваюць нам, што аўтарытарызм і фашызм ня проста зьявы мінулага, але і цяперашняга, яны тут — усяго за тысячу кілямэтраў ад нас, у Менску, у Беларусі, у Эўропе. Мы ня мусім адварочвацца, калі пануе аўтарытарызм. Ваш раман «Сабакі Эўропы», пастаўлены Беларускім Свабодным тэатрам, паказвае нам псыхалягічныя і сацыяльныя глыбіні антыўтапічнай звышдзяржавы. Ваш раман «Сарока на шыбеніцы» паказвае нам, чытачам, як хутка кожны з нас можа страціць нявіннасьць і зрабіцца добраахвотнымі супрацоўнікамі дзяржаўнай машыны тэрору», — апісаў ён фармулёўку.
Урачыстая цырымонія ўручэння прэміі пройдзе ў Мюнхене 31 жніўня. Раней, да пандэміі, прэмію традыцыйна ўручалі ў Нью-Ёрку.
Альгерд Бахарэвіч апублікаваў адразу дзве кнігі ў электронным варыянце
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай22
Каментары