Лукашэнка і Пуцін дамовіліся аб асабістых кантактах у найбліжэйшы час
Аляксандр Лукашэнка і Уладзімір Пуцін паразмаўлялі сёння па тэлефоне. Кіраўнікі абмеркавалі супрацоўніцтва дзвюх краін у розных сферах, перш за ўсё з акцэнтам на гандлёва-эканамічны складальнік, паведамляе «Пул першага».
Таксама абмеркавалі эканамічныя санкцыі (было падкрэслена, што сумеснымі намаганнямі краіны змогуць пераадолець выклікі і пагрозы), пытанне аднаўлення транспартнага злучэння паміж Беларуссю і Расіяй, ваенна-тэхнічнае супрацоўніцтва і пытанні бяспекі.
Абмеркавалі і традыцыйны блок пытанняў: цэны на энерганосьбіты і доступ беларускіх тавараў на расійскія рынкі.
Была дасягнута дамоўленасць аб асабістых кантактах у найбліжэйшы час.
«Пул першага» дадае, што сёння Лукашэнка і Пуцін возьмуць удзел у Форуме рэгіёнаў Беларусі і Расіі. Праўда, пройдзе ён у анлайн-фармаце.
Каментары