Як стала вядома «Нашай Ніве», на «Інтэграле» правілы ўнутранага распарадку дапоўняць пунктам, паводле якога забароняць «карыстацца мабільнымі тэлефонамі (смартфонамі і планшэтамі) у працоўны час для вырашэння задач, не звязаных з працоўнымі абавязкамі работніка».
Інфармацыю пра гэта павінны размясціць на прахадных, а таксама да 24 верасня азнаёміць з новаўвядзеннем рабочых пад подпіс.
Такія ж змены адбудуцца на заводах «Электрамодуль» (Мінск) і «Цветатрон» (Брэст), якія ўваходзяць у холдынг «Інтэграла». Кантроль за выкананнем загада ўсклалі на намесніка гендырэктара па ідэалогіі і персаналу. Рашэнне ўзгодненае з прафсаюзам.
Гэта не першы выпадак, калі на беларускіх прадпрыемствах хочуць забараніць мабільныя тэлефоны. На прадпрыемстве «Гродна Азот», рабочыя якога пратэставалі супраць вынікаў выбараў і збіцця мірных дэманстрантаў, абмяркоўвалася ідэя выдаваць супрацоўнікам замест смартфонаў звычайныя кнопачныя тэлефоны, з якіх нельга выйсці ў інтэрнэт, зрабіць фота і відэа.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары