Навукоўцы сабралі 15 мільёнаў даляраў на адраджэнне маманта
Для гэтага ім давядзецца скрыжаваць маманта са сланом.
Амерыканскія навукоўцы паставілі амбіцыйную мэту — адрадзіць шарсцістага маманта. Гэты від, што некалі жыў у Сібіры і Паўночнай Амерыцы, цалкам вымер каля 10 тысяч гадоў таму.
Ужо больш за дзесяць гадоў вучоныя абмяркоўваюць перспектыву вярнуць мамантаў да жыцця і нават засяліць іх у дзікую прыроду, часам нават разглядаючы яе абсалютна сур’ёзна. Але 13 верасня стала вядома, што гэтая ініцыятыва атрымала фінансаванне, якое можа наблізіць час яе рэалізацыі, піша Guardian.
Размова ідзе пра 15 мільёнаў даляраў, якія сабрала кампанія Colossal, што працуе ў сферы біялогіі і генетыкі. Сузаснавальнікі арганізацыі — прадпрымальнік Бен Лам і прафесар генетыкі ў Гарвардзе Джордж Чорч.
Строга кажучы, новая жывёла будзе не зусім мамантам, а хутчэй гібрыдам шарсцістага маманта і слана. Каб стварыць такую істоту, Лам і Чорч жадаюць зрабіць у лабараторных умовах эмбрыён, які будзе змяшчаць ДНК маманта. Для гэтага біяінжэнерам патрэбныя клеткі скуры азіяцкіх сланоў, якія потым трэба перапраграмаваць у ствалавыя клеткі, што будуць змяшчаць ДНК маманта.
З самім ДНК праблем не будзе. Гены, адказныя за шэрсць маманта і іншыя адметныя рысы гэтай жывёлы, будуць выдзеленыя праз параўнанне геному азіяцкіх сланоў з геномам, выдзеленым з знойдзеных парэшткаў мамантаў.
Пазней эмбрыёны былі перанесеныя ў сурагатную жывёлу ці, магчыма, у штучную матку. Калі ўсё пойдзе па плану, што зусім не гарантавана, то, як разлічваюць вучоныя, першыя маманты могуць з’явіцца на свет на працягу бліжэйшых шасці гадоў.
Адна з мэтаў праекта — абараніць азіяцкіх сланоў, якія зараз знаходзяцца пад пагрозай вымірання. Рысы, характэрныя для мамантаў, дадуць ім магчымасць выжываць у халодным клімаце. Але калі засяліць тундру гібрыдам слана і маманта, гэта можа таксама дапамагчы адрадзіць экалогію Арктыкі.
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
-
«Лега» абвяшчае рэвалюцыю: прэзентаваная сістэма, якая ажыўляе кубікі без смартфонаў. Вось як яна працуе і колькі каштуе
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга3
Каментары