Расійскі вірусолаг назваў тры ўмовы перамогі над пандэміяй і правёў яскравую паралель з Пушкіным
Загадчык лабараторыі біятэхналогіі і вірусалогіі факультэта прыродазнаўчых навук Новасібірскага дзяржаўнага ўніверсітэта, член-карэспандэнт Расійскай акадэміі навук, прафесар Сяргей Няцёсаў назваў тры ўмовы для перамогі над пандэміяй каранавіруса. Ён нагадаў, якія фактары спынялі «любыя эпідэміі ва ўсе часы», піша ura.ru.
Вірусолаг заявіў, што спад пандэміі каранавіруса залежыць ад кожнага чалавека. Паводле яго слоў, масавая вакцынацыя, захаванне масачнага рэжыму і жорсткая сацыяльная дыстанцыя здольныя спыніць пандэмію.
«Памятаеце паэта Аляксандра Пушкіна? У яго было дзве болдзінскія восені. Чаму яны былі? Усе забыліся, што былі вельмі жорсткія каранціны з-за халеры. Вакцыны тады не было, таму толькі каранціны», — патлумачыў Няцёсаў.
Прафесар таксама нагадаў пра ўспышку воспы ў Маскве ў канцы 1950-х гадоў, якую ўдалося перамагчы з дапамогай «татальнай вакцынацыі» расійскай сталіцы. Ён паскардзіўся, што многія людзі слухаюць «толькі непісьменных антыпрышчэпачнікаў, якія гісторыі не ведаюць, не разумеюць, што такое вірус, і пра вакцыны нічога не ведаюць».
Каментары