Сафіі Сапезе выставілі абвінавачванне. Ёй пагражае да 6 год зняволення
Крыніцы ВВС паведамляюць, што справу расіянкі перадалі ў суд. Асноўны артыкул, па якім яе абвінавачваюць — ч. 3 арт. 130 «Распальванне варожасці».
Па версіі СК, Сапега адміністравала тэлеграм-канал, які займаўся дэанонам сілавікоў.
Мінімальны тэрмін па інкрымінаваным артыкуле — 6 год з улікам таго, што Сафія заключыла дасудовае пагадненне са следствам.
Па даных крыніц, Сапега знаходзіцца ў цяжкім псіхалагічным стане, яна падаўленая і разгубленая, не спіць па начах.
Толькі пасля суда Сапегу змогуць экстрадаваць у Расію. Яе таксама зможа памілаваць Лукашэнка, сказаў Бі-бі-сі адвакат Антон Гашынскі, які будзе займацца гэтымі працэдурамі па справе Сапегі.
Са слоў крыніц, у пятніцу Сафію Сапегу выклікалі ў СК на следчыя дзеянні. Да гэтага з 20 кастрычніка яна знаходзілася пад хатнім арыштам у беларускім горадзе Ліда, у кватэры бацькоў, дзе яна прапісаная. Пры гэтым бацькі былі вымушаныя перасяліцца на дачу. Сувязі з дачкой у іх, па словах крыніц, з сярэдзіны кастрычніка не было.
Сафія Сапега была затрыманая разам з Раманам Пратасевічам 23 мая пасля прымусовай пасадкі ў Мінску рэйса Афіны — Вільня.
-
«Альтэрнатыва для Германіі» ў новаабраным ландтагу Саксоніі-Анхальт адразу ж запатрабавала спыніць падтрымку Украіны і адмяніць санкцыі супраць Расіі
-
ЗША падтрымалі Латвію ў барацьбе з нелегальнай міграцыяй і высока ацанілі яе гатоўнасць узаемадзейнічаць з Беларуссю
-
У Іспаніі памерла 87‑гадовая жанчына, справа якой справакавала цяперашні палітычны крызіс у краіне
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары