Жыхарцы Талачына выдалілі орган праз памылку медыкаў. Жанчына падала ў суд на бальніцу
Летась жыхарка Талачына амаль на месяц трапіла ў мясцовую бальніцу. Яе стан пагаршаўся, таму ёй экстранна зрабілі дзве аперацыі, аднак лепш не стала, таму жанчыну перавялі ў Віцебскую абласную бальніцу, затым — у бальніцу хуткай дапамогі Віцебска. Пасля выпіскі яна больш за тры тыдні была на бальнічным. Пацыентка звярнулася спачатку ў СК, а пасля ў суд — і выйграла справу.
Следчыя пачалі праверку па заяве жанчыны. Дзве судова-медыцынскія экспертызы паказалі, што дзеянні медыкаў па неасцярожнасці прывялі да цяжкіх цялесных пашкоджанняў.
Эксперты прыйшлі да высновы, што дактары перад правядзеннем аперацыі не зрабілі поўнае інструментальнае даследаванне, гэта прывяло да пашкоджання ўнутраных органаў, як вынік — адзін з іх давялося ампутаваць.
Жанчына звярнулася і ў суд, яна патрабавала спагнаць з бальніцы 30 тысяч рублёў маральнай шкоды, каля 1200 рублёў маёмаснай шкоды (страты заробку і грошы, патрачаныя на лячэнне), 700 рублёў кампенсацыі за юрыдычную дапамогу.
Пацыентка выйграла працэс, але суд зменшыў сумы: бальніца заплаціць ёй 18 тысяч рублёў маральнай шкоды, каля 760 рублёў матэрыяльнай шкоды і каля 380 рублёў — за зварот па юрыдычную дапамогу.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе23
Каментары