Эканоміка

Пастаўшчыкі скардзяцца на тое, што «Віталюр» не плаціць па кантрактах: толькі ў судзе даўгоў на тры мільёны рублёў. Што адбываецца?

Пастаўшчыкі тавараў у сетку «Віталюр» сігналізуюць «Нашай Ніве» аб праблемах з разлікамі з боку кампаніі. «Нам вінныя 350 тысяч рублёў, у суд пакуль не падавалі, спадзяемся вырашыць мірна», — піша нам адзін пастаўшык. «А нам павінны 70 тысяч, таксама ў суд пакуль не хадзілі», — кажа другі. Мяркуючы па тым, што многія ў суд не звяртаюцца, цяжка будзе ацаніць рэальныя масштабы нявыплат. Але ў базах праверкі контрагентаў бачна, што толькі праз суд, у афіцыйным парадку, 38 кампаній спаганяюць з «Віталюра» агулам каля трох мільёнаў рублёў. 

Фота: vitalur.by

Рытэйлавая сетка вінная Мінскаму заводу ігрыстых він, гандлёваму дому «Крыкова», «Малочнаму свету», электрамантажнікам з «Брабаса», і нават арганізацыі, якая пастаўляе касавыя стужкі. 

Фінансавае становішча кампаніі па выніках 2021 года пакуль невядомае. У самім «Віталюры», куды звярнулася «Наша Ніва», адказалі, што апублікуюць бухгалтарскі баланс напрыканцы сакавіка 2022-га. 

Пры гэтым вядома, што 2020 год кампанія скончыла бязрадасна — са стратамі ў 25 мільёнаў, на фоне прыбытку ў амаль 13 мільёнаў у 2019-м. 

Са свежых дакументаў у сеціве можна знайсці толькі дэкларацыю аб размяшчэнні токенаў, у якой ёсць некаторая інфармацыя аб эканамічных паказчыках, яна магла б дазволіць патэнцыйным інвестарам зрабіць высновы аб стане кампаніі.

Падпісаны дакумент у 2022-м годзе, але ніякіх высноваў аб рэальнай сітуацыі ў 2021-м з яго зрабіць нельга праз размытую прыпіску «прагназаваныя значэнні ў адпаведнасці з планамі развіцця».

Так кампанія планавала выручыць 995 мільёнаў рублёў і нарасціць 25,2% гандлёвых плошчаў.

Але ў графіку, які прадастаўлены інвестарам, ёсць узаемавыключэнні: прырост выручкі быў запланаваны на 14% (з іх 10% з'ела б інфляцыя), а прырост гандлёвых плошчаў на 25%.

З гэтай логікі вынікала б, што выручка з 1 кв.м. знізілася б, але ў табліцы яна павялічылася. Памылка? 

Такія несупадзенні ў справаздачнасці палохаюць пастаўшчыкоў, а далей яны, грунтуюцца на чутках, якія, не выключана, самі і нараджаюць. Маўляў, «Віталюр» адмаўляюцца крэдытаваць банкі. Ці так гэта — невядома. Нам не ўдалося звязацца са спецыялістамі кампаніі, якія адказваюць за кантакты з прэсай. 

«Грошы, якія павінны пайсці на аплату некаторым пастаўшчыкам, выкарыстоўваюцца як бясплатны крэдыт»

Але мы знайшлі людзей, абазнаных у справе гэтага «рыбнага» рытэйлу, і яны патлумачылі, што там адбываецца. 

«У «Віталюра» вельмі простая хвароба — пераінвестыцыі ў нерухомасць, — кажа наш суразмоўца. — І яны не могуць спыніцца, нягледзячы на тое, што моцна закрэдытаваныя і кепска плацяць пастаўшчыкам (праз тое, што ўсю абаротку ўклалі ў метры). Вядома, што нядаўна яны падпісалі кантракт з «Данай Холдынгз» на закупку плошчаў для крам. 

Такая сквапнасць можа загубіць, асабліва калі здарыцца шок і рубль дэвальвуецца. А калі шоку не будзе, то на колькі хопіць цярпення ў банкаў і пастаўшчыкоў? Ну або калі знойдуць доўгія недарагія грошы?»

Фота: onliner.by

Іншы чалавек, блізкі да гэтай кампаніі, патлумачыў, што на фоне нявыгадных банкаўскіх умоваў і спынення практык крэдытавання вялікай нерухомасці кампанія карыстаецца ў цэлым хоць і непрыгожай, але дзейнай стратэгіяй.

«Грошы, якія павінны пайсці на аплату некаторым пастаўшчыкам, выкарыстоўваюцца як бясплатны крэдыт — ты імі карыстаешся і не плаціш працэнты, — патлумачыў іншы абазнаны. — Так, пастаўшчык незадаволены тэрмінамі аплаты, якія могуць сягаць некалькіх месяцаў звыш дамоўленага.

Ну, але не ўсе пойдуць у суд з-за пратэрміноўкі, ведаючы чаргу на разлік, а будуць спрабаваць дамовіцца кулуарна, каб выплата адбылася. І яна, хутчэй за ўсё, адбудзецца, проста калі гэтымі грашыма ўжо пакарыстаюцца. Гэта тое, як я гэта бачу, ведаючы практыку дзеянняў у гэтай сферы». 

Чытайце таксама: Згарнулі іншыя зніжкі для пенсіянераў. Як гандлёвыя сеткі ўводзяць сацыяльны дысконт

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць