Мінчуку за счэпку на праспекце Пераможцаў далі два гады калоніі строгага рэжыму
У судзе Савецкага раёна Мінска на мінулым тыдні вынесены прысуд па крымінальнай справе Сяргея Лагуткіна, абвінавачанага ў арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле ў іх (ч. 1 арт. 342 КК РБ), паведамляюць праваабаронцы.
Справу разглядаў суддзя Сяргей Шаціла.
Да суда Сяргей Лагуткін утрымліваўся ў СІЗА на Валадарскага.
Як устаноўлена следствам, Сяргей Лагуткін, вечарам 9 жніўня 2020 года рухаўся ў калоне пратэстоўцаў разам з іншымі асобамі па праспектах Пераможцаў і Машэрава ў Мінску, станавіўся «ў счэпку локцямі».
«Таксама ён разам з іншымі, выкрыкваючы лозунгі, блакаваў і перагароджваў шлях аўтамабілям, што прывяло да парушэння працы грамадскага транспарту. На законныя патрабаванні супрацоўнікаў органаў унутраных спраў спыніць супрацьпраўныя дзеянні не рэагаваў».
Падчас судовага следства Лагуткін сваю віну прызнаў цалкам.
Таксама «Мінсктранс» заявіў пра шкоду ў тры тысячы рублёў.
У выніку суд прыгаварыў Лагуткіна да двух гадоў калоніі ва ўмовах строгага рэжыму.
На суровасць пакарання паўплывала наяўнасць ранейшай судзімасці.
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну3
Каментары