Пенсіянерку Алену Гнаўк абвінавачваюць у дыскрэдытацыі Беларусі за допіс пра мігрантаў у сацсетках
Як стала вядома праваабаронцам, 64-гадовай актывістцы з Пружанаў Алене Гнаўк выставілі абвінавачванне па двух артыкулах Крымінальнага кодэкса: ч. 2 арт. 367 (паклёп на Лукашэнку) і арт. 369-1 (дыскрэдытацыя Беларусі).
Цяпер жанчыне пагражае да шасці гадоў пазбаўлення волі.
Алену змясцілі пад варту, яе мусяць перавесці ў СІЗА-6 у Баранавічах.
Згодна з матэрыяламі справы, Гнаўк 23 лістапада 2021 года размясціла ў сацыяльных сетках Фэйсбук і Інстаграм «загадзя ілжывыя звесткі аб прававым становішчы замежных грамадзян у Рэспубліцы Беларусь, што было накіравана на прычыненне істотнай шкоды дзяржаўным інтарэсам».
У допісах Алена распавядала пра курдскія сем’і і становішча мігрантаў у Беларусі.
Раней, паводле двух іншых артыкулаў, спадарыню Алену асудзілі да трох гадоў «хатняй хіміі».
Каментары