У Баранавічах рабочы-кранаўшчык памёр у кабіне проста падчас працы
Трагічны выпадак адбыўся ў другой палове дня ў Баранавічах на будоўлі побач з адным з высокіх дамоў, якія ўзводзяць у мікрараёне Паўночны-2.
Як расказалі рэгіянальнай газеце «Наш край» будаўнікі, якія працуюць на аб'екце, мужчына выконваў пагрузку будматэрыялаў. Раптам тросы пры ўздыме грузаў рэзка ўпалі ўніз і больш механізм крана не рухаўся.
Рабочыя выклікалі хуткую дапамогу, але медыкі трапіць у кабіну не змаглі. Садзеянне ў гэтым ім аказалі супрацоўнікі МНС, якія таксама прыбылі на месца здарэння.
Мужчыну дасталі з кабіны і апусцілі на зямлю, аднак да гэтага моманту ён ужо быў мёртвы. Медыкі канстатавалі смерць.
Каментары