Мікіта Мікада расказаў, што ў Ірпені загінула супрацоўніца стартапа, і заклікаў рабіць усё для падтрымкі Украіны
Беларускі ІТ-бізнэсмен Мікіта Мікада напісаў пост у Інстаграм пра загінулую падчас эвакуацыі з Украіны супрацоўніцу стартапа, у які ён інвеставаў.
«Таццяна Перабійнос і двое яе дзяцей былі забітыя мінамётным снарадам падчас эвакуацыі з горада Ірпень. Таццяна кіравала фінансамі ў ІТ-стартапе. Нас звязвала тое, што я ў гэтым стартапе інвестар. На жаль, яе сям'я не магла пакінуць Ірпень раней з-за хворай мамы.
Таццяну і яе дзяцей ужо не вярнуць, але яшчэ можна прадухіліць смерці іншых людзей. Як? Так, як вы можаце.
Хтосьці ахвяруе ў дабрачынныя арганізацыі. Я — у NovaUkraine.
Хтосьці дапамагае Узброеным сілам Украіны.
Хтосьці спрабуе дастукацца да жыхароў РФ.
Хтосьці ідзе на мітынг, не баючыся паліцэйскіх дубінак і сутак.
Хтосьці ўсталёўвае сябрам і блізкім VPN, каб тыя маглі дастаць свае галовы з пуцінскага «тэле-азадка».
Калі ласка, рабіце што-небудзь», — напісаў заснавальнік PandaDoc.
Эвакуацыя жыхароў Ірпеня ФОТЫ
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары