Грамадства

Пракурор Віцебска даў паказанні на начальніка СК. Пад суд пайшлі абодва — рэдкая гісторыя

У Віцебскім абласным судзе сёння пачаўся суд над былым начальнікам Віцебскага гарадскога аддзела Следчага камітэта Андрэем Шчарбаковым. У той жа час ужо месяц у Вярхоўным судзе судзяць нядаўняга пракурора Віцебска Юрыя Раманоўскага. Гэтая пара праявіла сябе ў ходзе задушэння народу ў 2020-м, але сама пракалолася ў атмасферы «недазаконнасці». 

Абодвух судзяць па артыкулах 426 ч.3 (Перавышэнне ўлады або службовых абавязкаў, ад 3 да 10 год), і 425 ч.3 (Бяздзеянне адказнай асобы, ад 2 да 7 год). 

Аб прыгодах старшага саветніка юстыцыі Юрыя Раманоўскага «Наша Ніва» пісала ўжо раней. Яго кар'еры перашкодзіў лось. 

Юрый Раманоўскі

Сябры экс-пракурора забілі лася, на якога ў тыя дні нельга было паляваць. А Раманоўскі не тое што не завёў на іх крымінальную справу, але і еў лася разам з імі, што ў выніку стала вядома вышэйшаму начальству ў Мінску.

Па нашай інфармацыі, дасланая Андрэем Шведам праверка заспела Раманоўскага ў стане, які нельга назваць працоўным (а канкрэтна гавораць, што пракурор з'явіўся на рабоце толькі пасля абеду і п'яны), пасля чаго яго і звольнілі. А праз некалькі месяцаў, восенню 2021-га, арыштавалі.

Удзел галоўнага віцебскага следчага Шчарбакова ў гэтай гісторыі да гэтага моманту быў невядомы. 

Андрэй Шчарбакоў

Але, аказваецца, што ў ходзе следства Раманоўскі даў паказанні на свайго калегу. 

Выявілася, што кіраўнікі гарадскіх органаў юстыцыі ўвайшлі ў змову і пакрывалі аднаго з «ударных» следчых віцебскага СК (па сумяшчальніцтве — сына суддзі). 

Выявілася, што той пісаў за падазраваных пратаколы і за іх жа распісваўся, пасля чаго гэтыя фальсіфікаваныя справы ішлі ў суд.

Ёсць і іншыя моманты, але фармальна, як вядома «Нашай Ніве», гэтай пары паставілі ў віну ўтойванне інфармацыі аб фальсіфікацыях. За гэта і судзяць. 

Чытайце таксама: Новы кіраўнік СК Віцебскай вобласці прыйшоў на фоне скандалу: былы пракурор горада патрапіў за краты

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Усе навіны →
Усе навіны

Сяргей Ціханоўскі прыедзе на фэст «Тутака» на Падляшшы10

Bild публікуе «сакрэтны спіс» зброі, якую Украіна просіць у Германіі6

У 2026 годзе беларусы будуць адпачываць меней, чым у гэтым годзе

Ціханоўская — Трампу: Лукашэнку трэба пакараць, а не заахвочваць40

Пажар у Пухавіцкім раёне, дзе загінулі ўнучка і бабуля, быў выкліканы падпалам1

Беларус знайшоў рэдкую манету. За яе даюць ужо 18 тысяч рублёў, але таргі працягваюцца6

22-гадовы каліновец Ціхан «Франц» Клюкач атрымаў кантузію3

25 гадоў таму быў выкрадзены тэлеаператар Дзмітрый Завадскі1

У Віцебску асвоілі будаўніцтва тэхнічнага флота: зрабілі ўласны цеплаход4

больш чытаных навін
больш лайканых навін

На вайне ва Украіне загінуў былы дырэктар двух аршанскіх заводаў4

На вайне ва Украіне загінуў былы дырэктар двух аршанскіх заводаў

Галоўнае
Усе навіны →

Заўвага:

 

 

 

 

Закрыць Паведаміць