Расійскі вайсковец прызнаў віну ў забойстве бяззбройнага жыхара Украіны
Расійскі вайсковец Вадзім Шышымарын падчас судовага пасяджэння прызнаў віну ў забойстве бяззбройнага мірнага жыхара ў Сумскай вобласці, паведамляе «Бі-бі-сі» з залы суда.
Гэта першы працэс над расійскім вайскоўцам за злачынствы на тэрыторыі Украіны.
Шышымарына абвінавачваюць у расстрэле бяззбройнага веласіпедыста і ставяць у віну артыкул «парушэнне законаў і звычаяў вайны».
Прасцей кажучы — судзяць як ваеннага злачынцу. Яму пагражае пакаранне аж да пажыццёвага зняволення.
Шышымарын родам з Іркуцка, служыў камандзірам аддзялення ў 4-й танкавай Кантэміраўскай дывізіі Маскоўскай вобласці.
Каментары