У амерыканскім штаце Аёва Нэш Кін, самае неданошанае дзіця ў свеце, адзначыў свой першы дзень нараджэння. Ён нарадзіўся 5 ліпеня 2024 года ўсяго на 21-м тыдні цяжарнасці, гэта значыць амаль на 4,5 месяца раней за тэрмін, піша The Guardian.
На момант нараджэння вага Нэша складала толькі 283 грамы — прыкладна столькі важыць электронная кніга без чахла.
Ранейшы рэкорд належаў дзіцяці з Алабамы, але Нэш апярэдзіў яго на адзін дзень і трапіў у Кнігу рэкордаў Гінэса. Ягоныя бацькі, Молі і Рэндал Кіны, прызнаюцца, што пасля трагічнага досведу (раней іх дачка, народжаная на 18-м тыдні, не выжыла) вельмі баяліся, але ўсё ж вырашылі змагацца за жыццё сына.
Пасля нараджэння Нэш шэсць месяцаў правёў у аддзяленні інтэнсіўнай тэрапіі для немаўлят. Як расказала неанатолаг Эмі Стэнфард, дзіця выжыла дзякуючы спецыялізаванаму догляду, бесперапыннаму кантролю і ўласнай неверагоднай жывучасці. У першыя тыдні хлопчык быў у крытычным стане, але паступова пачаў аднаўляцца.
Цяпер хлопчыку крыху больш за год. Ён яшчэ не поўзае, але ўжо ўмее перакульвацца, дыхае з дапамогай дадатковага кіслароду і харчуецца праз зонд, хоць хутка яго пачнуць пераводзіць на пюрэ. У Нэша таксама дыягнаставалі парок сэрца, але дактары спадзяюцца, што з узростам сітуацыя палепшыцца.
Бацькі апісваюць сына як вельмі моцнага і жыццярадаснага хлопчыка, які заўсёды ўсміхаецца.
Смерці няма. Як рэжысёрка Дар'я Жук стала маці, а праз паўтара года пахавала сваё дзіця
Беларускія медыкі выратавалі дзяўчынку, якая нарадзілася масай 600 грамаў
Як склалася жыццё хлопца, якога маці нарадзіла ў туалеце на панадворку і кінула. Ён сустрэўся з ёю ў Малахава
Псіхічныя разлады ў бацькоў могуць павялічыць рызыку заўчасных родаў — новае даследаванне
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары