Еўракамісія выдзеліла тры прынцыпы для паскарэння адмовы ад расійскіх нафты і газу: скарачэнне спажывання энергіі, пошук новых пастаўшчыкоў і паскораны пераход да аднаўляльных крыніц энергіі. Пра гэта паведаміла кіраўніца Еўракамісіі Урсула фон дэр Ляен.
Прадстаўляючы дапрацаваны план адмовы, фон дэр Ляен падкрэсліла, што гэты працэс ідзе паспяхова.
Яна нагадала, што Еўрасаюз ужо адмовіўся ад вугалю з Расеі, а расійскія пастаўкі газу ў 2022 годзе сталі займаць 26% у структуры спажывання Еўрасаюза — супраць 40% у 2021 годзе.
Аднак зніжэнне залежнасці Еўрасаюза ад расійскіх вуглевадародаў трэба ўсё ж паскорыць. І гэта можна зрабіць на трох узроўнях.
Па-першае, гэта эканомія электраэнергіі спажыўцамі. Кіраўніца Еўракамісіі назвала гэта самым хуткім і танным спосабам рэагавання на бягучы энергетычны крызіс.
Па-другое, гэта замяшчэнне паставак з Расіі газам ад іншых надзейных пастаўшчыкоў.
Па-трэцяе, паскарэнне пераходу да чыстай аднаўляльнай энергіі. На гэтым узроўні Еўракамісія прапануе павысіць долю аднаўляльнай энергіі ў агульнай структуры яе крыніц з 40 да 45%.
Яна прапануе абавязаць з 2025 года ставіць сонечныя батарэі на ўсіх камерцыйных і грамадскіх будынках і на новых жылых дамах да 2029 года.
Усё гэта запатрабуе вялікага фінансавання, адзначыла фон дэр Ляен. Еўрасаюзу на гэтыя мэты спатрэбіцца 300 млрд еўра.
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары