Галоўчанка расказаў, у якой валюце беларусам лепш захоўваць зберажэнні
Аснова зберажэнняў — беларускія рублі. Менавіта ў гэтай валюце параіў захоўваць свае назапашванні беларусам прэм'ер-міністр Раман Галоўчанка, паведамляюць «Мінск-Навіны».
Сам прэм’ер-міністр захоўвае грошы ў беларускіх рублях, хаця таксама мае валютны ўклад «з тых часоў, калі ў МЗС атрымліваў частку зарплаты ў замежнай валюце».
Галоўчанка распавёў пра прынцыпы інвестараў, да якіх параіў прыслухоўвацца:
— Першы прынцып — гэта класіка: «захоўвайце грошы ў ашчаднай касе», другі — захоўваць даходы ў той валюце, у якой вы іх атрымліваеце.
Пры гэтым кіраўнік урада звярнуў увагу, што ў гэтым правіле ёсць выключэнні, калі, напрыклад, даходы атрымліваюць у адной валюце, а для закупак імпарту патрабуецца іншая.
— Вельмі важна не кідацца з валюты ў валюту. Не бегаць мяняць рублі на даляры, даляры на ены, спрабаваць нешта на гэтым выйграць. У нейкім моманце, можа, нешта атрымаецца, як у казіно, але часцей па статыстыцы не атрымліваецца. Асабліва цяпер, калі беларуская валюта сябе адчувае дастаткова ўпэўнена і істотна ўмацоўваецца як да даляра, так і да еўра. У гэтых умовах выбар відавочны, — заявіў Галоўчанка.
Цяпер чытаюць
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка8
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў88
Каментары