Беларусь і Расію пазбавілі статусу назіральнікаў у Энергетычнай хартыі, а таксама прыпынілі часовае прымяненне дагавора аб Энергетычнай хартыі ў дачыненні да Беларусі, паведамляе прэс-служба Міністэрства энергетыкі Украіны.
Адпаведныя рашэнні прынялі на спецыяльнай сесіі Энергетычнай хартыі, якая прайшла 24 чэрвеня ў Бруселі. Пытанне пазбаўлення Беларусі і Расіі статусу назіральнікаў у супольнасці ўключылі ў парадак дня па патрабаванні ўкраінскага боку, гаворыцца ў прэс-рэлізе.
«Дзяржава-агрэсар, што парушае міжнародныя пагадненні, пагарджае правам іншых дзяржаў і народаў, як і яе сатэліт, заслугоўваеь міжнароднай ізаляцыі, у тым ліку ў энергетычных супольнасцях і арганізацыях», — пракаментаваў пастанову міністр энергетыкі Украіны Герман Галушчанка.
Энергетычная хартыя замацоўвае прынцыпы супрацоўніцтва ў сферы абароны замежных інвестыцый, вызначае транзітныя правілы ў дачыненні да энергетычных сістэм і механізмаў вырашэння спрэчак паміж інвестарамі і дзяржавамі.
На гэты момант у Дамовы аб Энергетычнай хартыі 53 падпісанты. Беларусь і Расія падпісалі дагавор аб Энергетычнай хартыі, аднак так і не ратыфікавалі яго. У той жа час Беларусь выкарыстоўвала Дамову часова.
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары