Краіны «Вялікай сямёркі» дадуць Украіне 29,5 млрд даляраў фінансавай дапамогі
Лідары краін «Вялікай сямёркі» па выніках саміту мяркуюць даць Украіне фінансавую дапамогу на суму больш чым 29,5 млрд долараў, паведамляецца ў фінальнай заяве саміту. Гэта мусіць дапамагчы дзяржаве закрыць фінансавы дэфіцыт і забяспечваць асноўныя паслугі ўкраінскаму народу.
Лідары краін «Вялікай сямёркі» падчас саміту. Фота: Markus Schreiber/AP
«Мы чакаем дадатковай планавай падтрымкі ўкраінскіх дзяржаўных прадпрыемстваў і прыватнага сектара праз Еўрапейскі банк рэканструкцыі і развіцця (ЕБРР) і Міжнародную фінансавую карпарацыю ў памеры 3,5 млрд даляраў ЗША», — гаворыцца ў заяве.
Таксама краіны-партнёры G7 абвясцілі, што дадуць гуманітарную дапамогу Украіне на суму больш чым 2,8 млрд даляраў.
Прэзідэнт Украіны Уладзімір Зяленскі падчас саміту заклікаў лідараў краінаў «Вялікай сямёркі» зрабіць усё магчымае, каб распачатая Расеяй поўнамаштабная вайна завяршылася да канца года.
Каментары