Bloomberg: Крэмль будзе трымаць пастаўкі газу ў Еўропу на мінімуме, пакуль ЕС не адменіць санкцыі
Па словах крыніц агенцтва Bloomberg, блізкіх да расійскіх уладаў, Крэмль узмацняе ціск на Еўрасаюз, каб прымусіць лідараў краін блока перагледзець уведзеныя санкцыі супраць Расіі, а таксама сваю падтрымку Украіны.
Суразмоўцы агенцтва чакаюць, што Крэмль і «Газпрам» будуць надалей шукаць прычыны, каб абмежаваць газавыя плыні па газаправодзе «Паўночны паток — 1», асноўным маршруце паставак газу ў Еўропу пасля пачатку вайны.
З 27 ліпеня аб'ём прапампоўкі газу па «Паўночным патоку» скароцяць да 20% ад планавай магутнасці. Агенцтва піша, што, калі пастаўкі газу захаваюцца на мінімальным узроўні, то ў Еўропе ўзнікне недахоп энергарэсурсаў.
Газавая спрэчка з ЕС, піша Bloomberg, паказала, што Расія гатовая адмовіцца ад дзясяткаў мільярдаў даляраў экспартных даходаў, каб дасягнуць сваіх геапалітычных мэтаў.
Па словах адной з крыніц, «Газпрам» прааналізаваў, якія наступствы магчымыя пасля спынення паставак у 2023 годзе, і знайшоў варыянты, як абмежаваць для сябе фінансавую шкоду за кошт росту даходаў у гэтым годзе.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай39
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2929
Каментары