Беларуса, які збіў на машыне прыбіральшчыкаў у Варшаве, арыштавалі
Беларуса, які 28 ліпеня збіў групу прыбіральшчыкаў ля прыпынку грамадскага транспарту ў Варшаве, арыштавалі на два месяцы. Пра гэта паведамляе варшаўская паліцыя.
Фота: praga-polnoc.policja.gov.pl
Грамадзяніна Беларусі арыштавалі на два месяцы за ДТЗ, у выніку якога загінуў 57-гадовы мужчына. У адпаведнасці з польскім заканадаўствам 19-гадоваму беларусу пагражае пазбаўленне волі ад 6 месяцаў да 8 гадоў.
Здарэнне адбылося ўвечары 28 ліпеня. Мужчына збіў на аўтамабілі групу прыбіральшчыкаў ля аўтобуснага прыпынку. Адзін з мужчын, які знаходзіўся ля прыпынку, памёр на месцы, а пасажырку беларуса шпіталізавалі.
19-гадовага беларуса, які кіраваў аўто, затрымалі ў той жа дзень. Алкатэстар паказаў, што мужчына кіраваў аўто ў стане алкагольнага ап’янення.
Чытайце таксама:
19-гадовы беларус учыніў смяротнае ДТЗ у Варшаве
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары