Гіганцкая дзірка ў Чылі: даследчыкі не ведаюць прычын яе з’яўлення
Вялізная дзірка ў зямлі прыкладна за 650 кіламетраў на поўнач ад чылійскай сталіцы Сант'яга зараз выклікае збянтэжанасць мясцовых уладаў. Загадкавая яма мае дыяметр каля 32 метраў і глыбіню амаль 65 метраў, піша Onet.
Велізарны кратар утварыўся ў мінулыя выхадныя каля меднай шахты Lundin Mining у Алькапароса.
У інтарэсах бяспекі насельніцтва мясцовыя ўлады неадкладна прынялі рашэнне аб частковым перакрыцці прылеглых тэрыторый. На месца таксама была накіравана спецыяльная даследчая група, каб высветліць прычыну з’яўлення такой вялікай дзіркі.
Улады Чылі адправілі на даследаванне варонкі супрацоўнікаў нацыянальнай геалагічнай службы. Спецыялісты пакуль што не могуць сцвярджаць, што з'яўленне дзіркі ў зямлі звязана са здабычай на рудніках. Па іх словах, ад шахты варонку аддзяляе «значная адлегласць» — прыкладна 200 метраў.
Жыхары навакольных паселішчаў выказваюць занепакоенасць, бо такога тут яшчэ не здаралася. «Мы перажываем, хоць страх быў у нас заўсёды. Наша камуна акружаная радовішчамі карысных выкапняў, дзе вядуцца падземныя работы — фактычна, прама пад намі», — заявіў мэр мясцовай камуны Крыстабаля Суньіга.
Неабходна вывучыць, наколькі дзірка звязана з горнымі работамі і ці можа здабыча ўяўляць пагрозу для прылеглых тэрыторыі. «Мы просім адказаў ад кампетэнтнага органа, каб высветліць, чаму гэта адбылося, і ацаніць рызыкі таго, ці можа тое самае адбыцца ў іншым населеным пункце нашага муніцыпалітэта», — сказаў Суньіга радыё ADN.
Азаронак напісаў пра палітэмігранта — пасля гэтага брата і бацьку таго кінулі за краты2
Каментары