Амерыканскі акцёр Стывен Сігал наведаў калонію для ўкраінскіх ваеннапалонных у Аленаўцы на Данеччыне, дзе нядаўна быў пры дзіўных абставінах разбураны адзін з баракаў, падчас чаго загінулі больш за паўсотні чалавек. Пра візіт Сігала ў Аленаўку паведаміў прапагандыст Уладзімір Салаўёў у сваім телеграм-канале.
Сігалу паказалі ў тым ліку «аскепкі амерыканскіх ракет, якія пацвярджаюць дачыненне Кіева да масавага забойства ўласных вайскоўцаў», заявіў Салаўёў.
Як паведаміў пасля кіраўнік самаабвешчанай «ДНР» Дзяніс Пушылін, Сігал нібыта займаецца здымкамі дакументальнай стужкі пра падзеі ў Данбасе, і дзеля таго меў зносіны з ваеннапалоннымі ў Аленаўскім СІЗА.
9 жніўня калонію ў Аленаўцы таксама наведаў лідар ЛДПР Леанід Слуцкі. Разам з ім, паводле яго слоў, прыехала «каманда аб'ектыўных міжнародных экспертаў» з еўрапейскіх краін, Нікарагуа і КНДР.
Падчас выбуху, які адбыўся ў адным з баракаў Аленаўскай калоніі 29 ліпеня, загінулі 53 украінскія ваепалонныя, байцы палка «Азоў». Расійскі бок сцвярджае, што барак абстралялі ўкраінскія ракеты, але ўкраінскі гэта абвяргае. Паводле звестак украінскіх і заходніх экспертаў, трагедыя здарылася не з-за абстрэлу звонку, а з-за тэрмабарычнага выбуху знутры.
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова14
Каментары
«каманда аб'ектыўных міжнародных экспертаў» з еўрапейскіх краін, Нікарагуа і КНДР. і інш.
тусяцца з-за грошаў
а бедная Украина страдает. и страдает бедный украинский простой народ
а праўды мы хутчэй за ўсё так і не дазнаемся. як не дазналіся, хто забіў Шэрэмета, хто паклаў нябесную сотню на Майдане, хто збіў самалет... і г.д.
але муж лічыць, што расейцам невыгодна было іх забіваць, наадварот. што забілі свае ж, каб тыя нічога не расказалі... шчэ раз паўтару - гэта толькі версія. і праўды мы не дазнаемся. ва ўсякім разе пакуль