З'явілася магчымасць праверыць анлайн, ці не знаходзіцца машына ў вышуку
На адзіным партале электронных паслуг (АПЭП) даступныя для замовы новыя паслугі Міністэрства ўнутраных спраў па праверцы знаходжання транспартнага сродку ў вышуку, паведамілі ў Нацыянальным цэнтры электронных паслуг.
Фота ілюстрацыйнае
На АПЭП дзяржаўным органам, юрыдычным і фізічным асобам, а таксама індывідуальным прадпрымальнікам у рэжыме рэальнага часу даступныя дзве новыя паслугі:
- 3.59.01 «Праверка знаходжання транспартнага сродку ў вышуку па поўным супадзенні VIN»;
- 3.59.02 «Праверка знаходжання рэгістрацыйнага знака ў вышуку Рэспубліцы Беларусь або транспартнага сродку ў вышуку ў Рэспубліцы Беларусь і СНД па рэгістрацыйным знаку».
Паслугі платныя і аказваюцца на аснове інфармацыі аўтаматызаванай інфармацыйнай сістэмы транспартных сродкаў. Яны аказваюцца з дапамогай адзінага партала з нястрогай аўтэнтыфікацыяй (доступ з выкарыстаннем логіна спажыўца), а таксама па тэхналогіі «сістэма-сістэма».
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў10
Каментары