«Няхай анёлы ў вышыванках нясуць на неба тваю адважную і чыстую душу». Украіна ўшаноўвае расіянку, якая ваявала на яе баку
На вайне з расійскімі акупантамі загінула Вольга Сіманава, ваеннаслужачая 24-й механізаванай брыгады УСУ імя Караля Данііла. Жанчына прыехалі з Расіі, каб абараняць Украіну ў 2014 годзе. У пятніцу на пахаванні ва ўкраінскай сталіцы 34-гадовую Вольгу Сіманаву ўспомнілі за мужнасць і дабрыню, піша Тelegraf.
Вольга прыехала ва Украіну з горада Чэлябінск у канцы 2014 года. Яшчэ грамадзянкай Расійскай Федэрацыі яна ўступіла ў добраахвотніцкае падраздзяленне парамедыкаў, каб супрацьстаяць узброенай агрэсіі Расіі. У 2016 годзе яна падпісала трохгадовы кантракт з УСУ як грамадзянка іншай дзяржавы. Яна даслужылася да звання сяржанта і стала камандзірам баявой машыны пяхоты.
У 2017 годзе Вольга Сіманава стала першым кантрактнікам УСУ — замежнікам, які атрымаў украінскае грамадзянства падчас службы на ўсходзе Украіны.
Яна загінула 13 верасня ва ўзросце 34 гады. Жанчына ўзарвалася на выбуховым прыстасаванні, выконваючы баявое заданне ў раёне горада Саледар Данецкай вобласці.
Труна Сіманавай была завешана сіне-жоўтым украінскім сцягам, а зверху — плюшавы леў. Яе баявое прозвішча было Сімба, як у галоўнага героя дыснэеўскага мультфільма «Кароль Леў».
Сіманава захаплялася спортам і дасягнула поспехаў у альпінізме і каратэ.
«Для мяне яна была сімвалам украінства будучыні. Украінства, якое прымаюць усім сэрцам. Сімвалам таго, што сапраўдным украінцам становяцца, а не нараджаюцца… Вольга Сіманава, якая нарадзілася ў далёкім Чэлябінску рускай і загінула ўкраінкай на Дзікім полі, няхай анёлы ў вышыванках нясуць на неба тваю адважную і чыстую душу», — гаворыцца ў паведамленні грамадскага актывіста Генадзя Друзенка.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»9
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары
Пуцінскія тэрарысты памерлі ўжо падчас жыцця. Пасля агіднага існавання іх сустрэнуць мярзотныя чэрці.