Пуцін амаль паўдня чакаў Шайгу. Зварот прэзідэнта Расіі быў запісаны задоўга да звароту міністра абароны
Падрабязнасці пра відэазварот, у якім была аб’яўленая мабілізацыя ў Расіі.
Спачатку прамова Уладзіміра Пуціна чакалася ў 20:00, але затым трансляцыю сталі адкладваць.
У выніку зварот быў анансаваны на раніцу 21 верасня. Але, як высветлілі «Можем объяснить», відэа з прамовай Уладзіміра Пуціна аб мабілізацыі было гатовае яшчэ ўвечары 20 верасня. Гэта вынікае з метаданых файла.
Ролік, загружаны на сайт прэзідэнта Расіі, быў створаны ў аўторак у 22:19. У 5:22 быў створаны PDF-файл указа аб частковай мабілізацыі. А ў 8:20 — відэа з інтэрв'ю Сяргея Шайгу, якое было апублікаванае ў Telegram-канале Мінабароны РФ.
Трансляцыя прамовы прэзідэнта пачалася ў эфіры расійскіх дзяржканалаў роўна ў 9:00 — гэта значыць, амаль праз 11 гадзін пасля запісу. А вось інтэрв'ю Шайгу было прадэманстраванае ўсяго праз гадзіну пасля яго стварэння.
Верагодна, указ дапрацоўвалі ўсю ноч, але і пасля гэтага ў ім засталіся прабелы.
Азаронак напісаў пра палітэмігранта — пасля гэтага брата і бацьку таго кінулі за краты2
Каментары