Аляксея Навальнага адправілі ў ШІЗА пяты раз запар. Палітык знаходзіцца там ужо амаль паўтара месяца
«Навальны зноў у ШІЗА. Яго выпусцілі з ШІЗА ўчора пасля 15 сутак, адправілі на строгія ўмовы ўтрымання, і праз ноч — зноў пасадзілі ў штрафны ізалятар на 12 сутак, дзе ён цяпер і знаходзіцца», — распавяла ў сваім тэлеграм-канале яго прэс-сакратарка Кіра Ярмыш.
Паводле яе слоў, у адміністрацыі калоніі палітыку проста сказалі, што яго адправілі ў штрафны ізалятар з-за слоў пра мабілізацыю на мінулым судзе.
«Калі маё права выступіць супраць гэтай злачыннай мабілізацыі, праз якую дзясяткі тысяч людзей загінуць ні за што… Я пасяджу [за гэта] 12 сутак і колькі яшчэ трэба пасядзець. І вы сваім ШІЗА мне рот не заткняце. <…> Таму што тое, што адбываецца цяпер, значна страшней за 12 сутак… Пуцін крывёю звязвае сотні тысяч людзей мабілізацыямі і рэферэндумамі», — сказаў тады Навальны ў судзе.
Цяпер ідзе іншы суд з удзелам палітыка. Навальны аспрэчвае яго першае змяшчэнне ў ШІЗА 12 жніўня. Тады наглядчыкі адправілі яго ў штрафны ізалятар за расшпілены верхні гузік на турэмнай робе.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
Каментары