Мужчыну асудзілі да сямі гадоў калоніі за перадачу звестак і «захоўванне боепрыпасаў»
У Гродзенскім абласным судзе 51-гадовага мінчука Валерыя Барзенку асудзілі да сямі гадоў пазбаўлення волі ў калоніі ўзмоцненага рэжыма. Суддзя Віктар Сянько прызнаў мужчыну вінаватым паводле ч. 3 арт. 130 і ч. 2 арт. 295 Крымінальнага кодэкса, піша «Вясна».
Барзенку прызналі вінаватым у тым, што ён накіраваў у тэлеграм-боты «дэструктыўных каналаў» інфармацыю пра свайго былога кіраўніка. Згодна з абвінавачаннем, размяшчэнне інфармацыі, атрыманай ад Барзенкі, пацягнула за сабой «іншыя цяжкія наступствы».
Таксама яго прызналі вінаватым у тым, што ён нібыта набыў і захоўваў боепрыпасы да наразной агнястрэльнай зброі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ