Грамадства2626

«Беларусы чакаюць гэтага не першы год». Лукашэнкаўская газета заклікала знішчыць пахаванні ў Курапатах

«Мінская праўда» апублікавала калонку прапагандыста Юрыя Уварава. Аглядальнік, які піша пра ўсё запар: ад чыстак на беларускай эстрадзе і пратэстаў ў Іране да палітыкі Кітая — на гэты раз прысвяціў тэкст Курапатам.

Ён называецца «Темный лес на окраине Минска. Танцы на костях евродипломатов и змагаров в Куропатах нужно прекращать». 

«Прыгожае месца каля сталічнага мікрараёна Зялёны Луг азмрочанае крыжамі, якія стаяць у лесе. Кожны год, нібыта ваўкалакі з хмурымі фізіяноміямі, там з'яўляюцца тыя, хто люта ненавідзіць законную ўладу ў Беларусі, а таксама дыпламаты недружалюбных нам краін», — пачынае аповед Увараў пра месца, якое мае статус гісторыка-культурнай каштоўнасці і дзе дзяржава паставіла памятны знак.

Юрый Увараў

Далей прапагандыст накідваецца з крытыкай на заходніх дыпламатаў, якія прыязджаюць у Курапаты, «несучы бедныя букецікі недарагіх кветак», і ігнаруюць пытанні «смелых беларускіх журналістаў». 

«Еўрадыпламаты апаганілі сваёй прысутнасцю ўрочышча». Прапагандысты двое сутак дзяжурылі ў Курапатах

«Молімся, каб урокі гісторыі былі засвоеныя». Заходнія дыпламаты наведалі Курапаты

Прапагандысты прыставалі да еўрапейскіх дыпламатаў падчас хвіліны маўчання ў Курапатах

Калумніст выдання Мінаблвыканкама называе «байкай» тое, што ў Курапатах пахаваныя ахвяры сталінскіх рэпрэсій і прадстаўнікі творчай эліты, і накідваецца з крытыкай на Зянона Пазняка і Васіля Быкава, «таленавітага пісьменніка, але, на жаль, невылечна хворага на «змагарызм». На думку Уварава, зроблена гэта было, каб заклеймаваць Савецкі Саюз і Сталіна.

Прапагандыст свядома хлусіць, што ў Курапатах нібыта расстрэльвалі «нямецкія фашысты». Гэта пярэчыць высновам шматлікіх следстваў, праведзеных беларускай пракуратурай і вайсковай пракуратурай у 1980-я, 1990-я і 2000-я гады — а яны выявілі, што ў Курапатах пахаваныя ахвяры сталінізму.

Увараў заклікае выслаць з Беларусі дыпламатаў, якія нібыта ўмешваюцца ва ўнутраныя справы краіны і распальваюць сацыяльную варажнечу. У тым ліку і апостальскага нунцыя Антэ Ёзіча, які з арцыбіскупам Станеўскім таксама наведаў Курапаты, бо «каталіцкая царква ў 2020 годзе заняла антыдзяржаўную пазіцыю».

Нунцый Ёзіч і арцыбіскуп Станеўскі памаліліся за загінулых у Курапатах і Трасцянцы

У канцы сваго артыкула прапагандыст патрабуе «ад імя беларусаў» правесці эксгумацыю рэшткаў ахвяр Курапатаў і перазахаваць іх. 

Каментары26

  • Ппп
    07.11.2022
    кресты смущают дьявола
  • Mar
    07.11.2022
    Над могилами беларусов будут издеваться рюсский Уваров и цыган Лукашенка?
  • мясцовы2
    07.11.2022
    Здавалася б, у савецкім саюзе былі дазволены аборты, не разумею, чаму менавіта гэтая пачвара з'явілася на сьвет.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Памятаеце палітвязня Вітухноўскага, які пайшоў ваяваць за Расію? Ён ужо загінуў12

Памятаеце палітвязня Вітухноўскага, які пайшоў ваяваць за Расію? Ён ужо загінуў

Усе навіны →
Усе навіны

На праспекце Незалежнасці каля ЦУМа нахабны таксіст паехаў напярэймы патоку

Еўрапарламент прагаласаваў за павышэнне мытаў на ўгнаенні з Беларусі і Расіі4

14-гадовая школьніца памерла ў бальніцы ў Ельску5

Бітва за Канстанцінаўку: чаму гэтае месца можа стаць галоўнай мэтай наступу Расіі

Трамп паведаміў еўрапейцам, што Пуцін не гатовы спыніць вайну23

У Вашынгтоне забілі дваіх супрацоўнікаў пасольства Ізраіля. Яны збіраліся заручыцца

Гаваркі крумкач, яркія паўліны, мілыя лісіцы і яшчэ шмат дзікіх жывёл знайшлі прытулак у вёсцы непадалёк ад Маладзечна

Рускамоўная пісьменніца выйшла замуж за беларуса і склала незвычайны слоўнічак ягоных слоў, якіх ніколі раней не чула23

Беларуска: У мяне ваюе каханы, і я жыву з тым, што ўяўляю ягоную смерць2

больш чытаных навін
больш лайканых навін

Памятаеце палітвязня Вітухноўскага, які пайшоў ваяваць за Расію? Ён ужо загінуў12

Памятаеце палітвязня Вітухноўскага, які пайшоў ваяваць за Расію? Ён ужо загінуў

Галоўнае
Усе навіны →

Заўвага:

 

 

 

 

Закрыць Паведаміць