Суд Лідскага раёна 14 лістапада вынес прысуд Дзмітрыю Мядзведскаму, якога абвінавацілі ў арганізацыі і падрыхтоўцы дзеянняў, якія груба парушаюць грамадскі парадак, псаванні шляхоў зносін і абразе прэзідэнта, паведамляе «Вясна».
Судовы працэс вяла суддзя Наталля Лобан, якая зусім нядаўна, 26 верасня, была прызначана суддзёй на 5 гадоў.
Мядзведскага затрымалі 2 верасня 2022 года, а ўжо 6 верасня 2022 года з'явілася «пакаяльнае» відэа з затрыманнем Дзмітрыя, у якім ён паведамляе, што ў 2020 годзе знаходзіўся ў чаце «Ліда 97%», дзе актыўна пісаў паведамленні. Таксама пісаў аб сваіх дзеяннях у плане «Перамога».
Паводле версіі сілавікоў мужчына заклікаў да забастоўкі, пратэстаў, а таксама прапаноўваў арганізоўваць дыверсіі на чыгунцы.
Яго абвінавачваюць адразу па трох артыкулах Крымінальнага кодэкса:
ч. 1 арт. 309 КК — наўмыснае псаванне транспартнага сродку ці шляхоў зносін;
ч. 1 арт. 342 КК — арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;
ч. 1 арт. 368 КК — абраза прэзідэнта.
Суд завяршыўся за адзін дзень. Суддзя Наталля Лобан прызнала Мядзведскага вінаватым і пакарала яго пазбаўленнем волі тэрмінам на тры гады ва ўмовах калоніі агульнага рэжыму.
Цяпер чытаюць
Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах13
Каментары