За апошнія суткі, у перыяд з 6:00 11 снежня па 6:00 12 снежня, работнікамі энергасістэмы адноўлена электразабеспячэнне 410 населеных пунктаў па ўсёй Беларусі. На аднаўленчых работах было задзейнічана 342 чалавекі персаналу і 133 адзінкі тэхнікі, паведаміла Белэнерга.
У сувязі з неспрыяльнымі ўмовамі надвор'я (моцны снег, дождж пры адмоўных тэмпературах, наліпанне мокрага снегу на галінкі і драты) днём 11 снежня і ноччу 12 снежня перыядычна ўзнікалі парушэнні электразабеспячэння ў размеркавальных электрасетках, пераважна ў Мінскай вобласці. Энергетыкі працавалі і працягваюць працаваць ва ўзмоцненым рэжыме.
Па стане на 6:00 12 снежня працягваюцца работы па аднаўленні электразабеспячэння 113 населеных пунктаў.
Тым часам снег і снегапады прагназуюцца цягам усяго тыдня. У прыватнасці, на сёння абяцаюць моцны снег і завіруху, абвешчаны аранжавы ўзровень небяспекі.
Каментары